咦家真係超級"down"~

前兩日還歡歡喜喜地plan京板神自由行~

誰知今天神戶大阪豬流感大爆發~

雖然,中招不一定死~

但,有沒有必要去搏呢?

我知道我堅持要去的話,他亦必定陪我搏一搏~

要面對快樂完後的痛苦,他不怨我我也會怪自己~

為何偏偏要選中這時候爆發呢?!嗚哇哇...

不過比起我,表妹美國之行更加危險,god bless her ~

還有好友的澳洲之旅,這個年頭去旅行,真的要有拼死的勇氣~~

 

剛好選在這天"擺酒",三圍親戚共聚一堂~
好多母親共渡母親節哦~
算是挺有意義的日子~完成我婚姻最後的慶典~
三個蛋糕,一為爸爸生辰,二為母親大人,三為我倆一生~

化了濃妝,電了獅子頭,突然覺得自己成熟了~

不喜歡長大,還是不得不長大~

不管怎樣,他們是愛我我愛的家人~

他們希望我幸福,我也希望他們快樂~

四月廿七日~晴~宜嫁聚

出嫁好日子,我終於把自己嫁出去了~~

 

澳門婚姻註冊處小禮堂內~

爸媽見證下,我倆終於結成合法夫妻~

 

盡量低調的情況下,我們只是跟朋友們通知一聲,真的不好意思~~

許多朋友都以為我"買大送細"(雖然在註冊處見到好多帶球結婚的新婚夫妻,但不包括我在內)

我仍然跑跑跳跳笑笑~

 

今天...終於用兩百蚊申請澳門居民身份證,了卻我多年心願~

我終於拐了個大彎,變回澳門人~

也...重新建立一個家~

一個會好快樂的家~

 

懶開真係有條癮~

阿HEAD要我寫的報告,我寫了個多月都係維持四分之一的進度~

說要學車,拿了師傅電話遲遲未打~

新年帶回家的藥理書,掀都未掀~

整個人彌漫住沉重的惰氣~揮之不去~

每樣事情都係口頭要做,連動一動都懶~~

唉......我係咪身上附靈~一直沉下去...沉...

過了一個滿開心的Christmas~

Silent night 陪他的家人吃平安夜大餐,看見四隻牙仔的駿駿滾來滾去,滿搞笑的~

Christmas 四人遊廣州,還跟肥仔& Ray食聖誕大餐,好開心丫~~~

原來,平安夜朋友仔已經訂婚了,double pleasure~

可惜他們不搞婚宴,我的伴娘願望又報銷啦~~

本人應徵伴娘一名,不設收費~

但願09更好啦~祝君好運~

不知道其他朋友仔要吾要寫self appraisal呢?

昨天收到DH forward的email,要我們寫好呢份annual performance appraisal~

真的寫到頭痕~我覺得自己都做左好多野,但又好似做得吾夠多~

要寫到好叻,又好似未夠班,但無理由寫衰自己嘛~

哎...還要寫埋expectation on supervisor添,好似變相篤背脊甘~

寫咩好,吾寫咩好,都要針酌,真係好麻煩~

同事們都叫我寫好d~這份係交上去既成績表耶~

食粥食飯睇佢家啦~

暈...自己寫自己有咩意思呢?

我覺得係d DHs懶,廢事自己寫,要我地寫左,自己就剔剔格仔評分~方便快捷~

仲未寫好丫~~繼續頭痕嚕~

廿多歲談生死,不算言之過早吧~

前陣子,爸爸跟五十多年不見的好朋友聚舊~

那位伯伯當警察,現在退休了~

跟爸爸講,年紀大退下來,但朋友一個個的離去~

不勝唏噓~

我看爸爸眼中流露著感同身受~

 

前日,又聽到同學仔不幸的消失~

沒有第一次震撼~不免為他感到可惜~

最光華的生命,就這樣流逝~

 

做人真的不要太計較~

以前的我很樂觀~可能,就因為過得太計較,愈不快樂~

令到身邊的人很大壓力~

寬容點真的會開心些~

 

雖然,我們很年輕~

別虛度...

同學們,你們在天家也要過得快樂~

終於明白破解到eddy點解會成日病~

一個人忙到連坐既時間都無的話,真係好容易中招~~

係........自己衰~~~轉天氣都貪靚,著件薄褸就算...

唉........今日又要用意志力起身,好痛苦~

鬼叫我d sick leave用晒~

仲要欠annal leave~

都係乖乖地返工嚕~~

繼續做驢仔~~

近來真的喜訊頻來~

繼小怡結婚之後,聽說大家姐又生第二胎了~~

哇哈哈...好勤力的媽媽~~~

飲小怡果餐真係攰~~

請了兩小時假,三點幾就坐車又坐船~

點知九點半先開席~~好耐有小敏敏吹水ja~~

小怡貫徹豪氣作風~~~五星酒店...大排場制作~~~

未見過一個成場都聽到佢講野既新娘~~~

哈......

Anyway~好辛苦但好開心~~

前天我聽到一個不幸的消息,關于我的好朋友~

雖然不清楚大概的狀況,心里仍然為她失去寶貴的東西而心疼~

心裡隱隱作痛~

或者這就是生活的無奈吧~因為忙碌而忽略身體的變化~

好想打個電話給她~好想跟她說說話~

或者默默祝福她好了~希望她老公會好好支持她~

 

星期六晚,我與家人收睇無線的港台節目<我是香港人>

ella飾演的港安,幾歲大就跟爸爸與姐姐來香港定居,做無證居民~

偷偷摸摸生活了十多年,還是因為居港權的問題,找不到自己的身份~

兜兜轉轉,最後嫁給加藉的小肥,才能生活在自由的天空中~

 

看罷感觸良多,她根本就是我的寫照~

只不過時空不同,十多年的澳門生活,我也是這麼渡過~

害怕老師問我拿身份證(雖然我有居留證),讀完大學還是因為無證而失業~

也為了要"遣返"香港而痛哭過~

回來兩年了,還是沒有歸屬感~

 

the last slogan is extremely touching for me:

我不屬于屬于我的地方,屬于不屬于我的地方~

 

反覆,細味...

 

 

琴晚發夢夢見中學的情況~

隱約記得應該是中六的時光,還是發成績表呢~

我竟然總平均分有94分~~不過前面還有三十幾個94分以上的變態友~

還記得中六第一個學期,大家爭破頭搶排名,希望攞到保送大學資格~

那時,雖然有點壓力,但...回首那段最好的時光,過得很快樂自在~

今天,當年坐在我旁邊的小怡,快當十一月新娘了~

我知道她很愛她的未來老公,聽見她結婚,我也為她高興~

前兩天還猶豫著配大眼仔con~好吧~~下個月去配先~~

不能失禮我這個幸福的好友~~

 

琴日終於鼓足勇氣問ahead,可吾可以去跟QC學MICROBIAL TEST~

想學好耐,之前忙著跟GMP 查牌的事情~

等咦家告一段落,可以去學嚕~~

好像比想像中容易~記憶里讀大學時種菌種半天,劃到個碟都花,都種到一粒菌~

可能人大了,有耐性左dd,今日只係聽同事解釋點配培養基~不是太難~

但要記得呢隻菌種配果種agar,broth等等...真的佩服~~

每次見到那些碟,我就想起chanel的小手:皺皺的,脫皮很嚴重,就算擦多少lotion都無用~

但她的堅持總是令我佩服~

我也要加把勁,努力學好~

可以快d爬出呢個實驗室啦~~

 

可能ahead見我真的太無聊,俾左份越南文ling chi coffee既description我,

叫我搵打字服務公司,把果篇野key in成word文檔send去美國~

啥?!越南文?打字公司?未曾接觸過,只好上網research下啦~

原來香港都吾多呢d公司,yahoo都係得一千零一間,唯有硬住頭皮打去問~

人地聽到越南文都幾confessed,而且一聽到得一張紙甘大把~~都好似吾多願意~

求其搵個籍口打發我,唉...等佢recall返我既可能性不大~

見真係好無聊,就自己上網搵下有無得translate,或者真係有software幫到我呢?

終於係Wikipedia 度搵到越南文既字母,只好逐隻字母搵~

媽咪丫~~原來越南文仲難過法文~d字母古古怪怪,尤其vowel部份~

a上個有問號,o下面有一點,u上面一take仲要加多個問號~

睇到我眼都花~當我打完短短幾行字,雙眼已經矇查查~

還要將d外星文translate成英文~好彩最後ahead都收貨~

功得完滿~

不知好嬲定好笑?QC阿姨問我怎麼兩天不見樣子變?

旁邊還有同事附和~我笑說跑去整容了~

點知她信以為真~OH MY GOD~

整容整到我甘既樣真係幾浪費金錢~HAHA~~

係都整高D個鼻,窄D既額頭,尖D塊面~

總之...點都無可能係整容啦~

我跟她說可能我無帶眼鏡~

啊...佢好似清醒返D,係喎~~你係咪帶CON?吾怪得吾同左~

唉...剛剛去HR那兒晃了一圈,人家還以為我是新同事...滴汗!!!

有差甘多咩?!

我承認我帶眼鏡真的不好看,但...不要甘打擊我~嗚...

我還是心愛我的小粉紅(PINK GLASSES)~

難道我真的要換一換眼鏡?定係要換下個樣?

預知的台風天,沒甚麼興奮的感覺~

 

昨天還嚷著不要打風~

 

當然啦~放假是重要,但gmp auditing仲重要丫~

 

一個吾該豉椒炒魷點算~ =3="

 

郁悶的八月,報告抄完一份又一份~

 

好想快d 28號~但係stability test又未做晒~

 

What the hell~

 

I hate summer that is not  my holiday~

 

 

 

 

或許,我從未嘗過會考滋味~考不考得過會怎樣呢?

大抵我也算是幸運,求學路雖不能是一帆風順,還是能夠完成學業吧~

聽罷昨天<嘩嘩嘩打到黎>,主持阿喱的妹也是會考生~

他陪妹妹渡過這一關,雖然不能升中六,能夠報到自己想讀的科目,未嘗不是壞事吧~

我也有個將會考的弟弟,以他這種態度備戰(其實我都不知道他有否以"戰"來看待)

真的皇帝不急,急死太監~

我跟媽咪不停"哦"他,其實我自己都嫌煩~

我們的話他能入耳嗎?

明年今日,希望他還會覺得,我們會在旁邊支持他吧~

 

一直以來,我都覺得最美好的人生是能夠選擇自己的人生~

不可否認,選是擁有多個機會,擇...其實有時需要放棄一些東西~

能夠出國讀書,可能是許多人的夢想,當中包含著家長的期許~

但,被迫選擇又是另一回事~

可能,人生就是應該由無數的無奈織成吧~

或者,真的應該把心里想甚麼的說出來~

去或不去...不重要~

重要的是你活得快樂~

 

基本上,我不是球迷;

對運動也沒太大興趣~

知道鄭潔,也是因為無意中看到now的奧運節目,其中一個被訪者就是她~

極之欣賞她的堅毅精神,我想每個運動員或多或少都會有這種執著吧~

當全世界都放棄她的時候,她自己不放棄自己~

當全世界都不看好她的時候,就是她發光發亮之時~

這一刻未知的結果...

不管lose or win~她已經得到全世界的掌聲吧~

本來完成工作係值得快樂的事~

但當我把record交俾senior的時候,竟然俾佢話返轉頭,好氣餒~

事緣六月中將會有GMP查牌,由上個月開始,

我們要將所以文件通通arrange好,實際上是將以前無填好的logbook作番d data同date上去~我已經覺得好無奈~

點解要作數呢~點解以前吾填好呢~點解做野甘吾按程序呢~

可能這就是一貫大陸行政作風吧~

看不慣,但無能為力~唯有今次自覺些,每個procedure都謹慎地記錄~

這次做完stability test,交給同事,他竟然說查牌前我不應該把data記在logbook上,怕會搞亂佢d data~

Alas~甘個test做左吾記落佢,到時查到吾係仲大鑊d咩~

我都吾覺得自己有咩吾岩,係佢自己一直吾記好d記錄,就以為我都會記錯晒d野~

這種不信任的感覺真的很難受~

 

其他部門的同事跟我說我們office靜過library~係丫~大家連lunch time都不會閑話家常~我就快連講野都懶得講~

成日吾見間尺原子筆就問我,拜託...我負責訂文具,但吾係負責看住d文具~

命為technician,實際同雜工無分別~

愈來愈覺得,留在這裡給不了我半點快樂~